Agenda
Agenda
Cristóbal Balenciaga Museoak programazio handinahia garatu du, Cristobal Balenciagaren bizitza eta lana, modaren eta diseinuaren historian izan zuten garrantzia eta haren ondarearen garaikidetasuna ezagutarazteko. Erakusketekin batera, beste jarduera batzuk ere egiten dira, adibidez: ikastaroak, mintegiak edo tailer didaktikoak. Askotariko jendearentzat izango dira eta bisitarien esperientzia osatuko dute.
Balenciaga.Izaera
-
Cristóbal Balenciaga Museoak, «Balenciaga. Izaera» komisariotza-seriearen hirugarren eta azken erakusketaren bidez, haren lanaren ikuspegi berri bat aztertzea erabaki du. Inoiz zeharkatu gabeko bide bat da eta «Balenciaga bat» ezaguterraz bihurtzen duen ezaugarrietan jartzen du arreta.
Informazio gehiagoChillida Balenciaga. Forma tolesten
-
Eduardo Chillidak (Donostia, 1924 - Donostia, 2002) eta Cristóbal Balenciagak (Getaria, 1895 - Valentzia, 1972) gipuzkoar jatorria eta adiskidetasun loturak ez ezik, oinarri filosofiko komuna ere badute.
Informazio gehiagoLurrina Balenciagaren garaian
-
Ikusezina, etereoa, sotil bezain gogoangarria, luxuaren epitomea da perfumea. Aromen konbinazioa da esentzia, eta perfumeei gorputza ematen dieten elementuak dira, berriz, bitxi-izaerako flaskoak, kaxa eta erakustokiak, publizitate-irudiak eta izenen poesia; lurrinak objektu desiragarri bihurtzen dituzte horiek guztiek.
Informazio gehiagoIkastaroak eta klase magistralak
JANTZIGINTZAKO GOI-MAILAKO JOSKINTZAKO TEKNIKETAN HASTAPEN-IKASTAROA / PRESENTZIALA
-
Ikastaro honek hurbilketa bat proposatzen du Balenciaga Etxeko jantzigintza tailerretan erabilitako metodo zehatzetara. Saioek berezko joskintza eta lisatze erakustaldiak barne hartuko dituzte, parte-hartzaileek horietan gaitasun teknikoak eskuratzeko. Egin beharreko hainbat ariketa proposatuko dira, artilezko ehunen tratamenduetan eta papar-hegaldun lepo bat artisau-eran egiteko beharrezko lanetan bereziki sakonduz.
Informazio gehiago